विश्व संगीत दिवसको तयारी पुरा
कपिल ज्ञवाली बुटवल, ६ असार ।-विश्व संगीत दिवसको अवसरमा भोलि शुक्रबार बुटवलमा गर्न लागेको विशेष सांगीतिक कार्यक्रमको सम्पुर्ण तयारी पुरा भएको आयोजक बागेश्वरी संगीतालय बुटवलले जनाएको छ । विश्व जगतमा एकताको धुन नारासहित जुन २१ मा भोलि विश्वभर संगीत दिवस मनाउने गरिन्छ । बागेश्वरीले बुटवलको कान्ति सभा गृह हलमा आयोजना गरेको सांस्कृतिक कार्यक्रममा चर्चित गायक कमल खत्री, अर्जुन कौशल, पुश्कल शर्मा, जमुना सनम, ,सरिता पन्थी लगायत एक दर्जन बढी कलाकारको गायन र नृत्यको प्रस्तुति रहने संगीतालयका प्रिन्सिपल सुरेश सेन्चुरीले बताए । कार्यक्रममा प्रदर्शनी आइडल एन्जिला रेग्मी, धनबहादुर गुरुङ,आकांक्षा भण्डारी, प्रेम नेपाली, रिता पुन, चिरन्जीवी भण्डारी लगायतका कलाकारको पनि प्रस्तुति रहने आयोजकले जनाएका छन् । बागेश्वरीले बुटवलमा २०६५ सालदेखि विश्व संगीत दिवस मनाउदै आएको छ । »
0 टिप्पणियाँ:
एक टिप्पणी भेजें