आज दशैंको दोस्रो दिन, शक्तिपीठहरुमा भीड
२३ असोज,
बडा दशैंको दोस्रो दिन शनिबार देशभरका विभिन्न मठमन्दिर र शक्तिपीठहरुमा देवी ब्रम्हचारीणीको पूजाअर्चना गरेर मनाइँदै छ । शक्तिपीठहरुमा विहानैदेखि दर्शनार्थीहरूको भीड लागेको छ ।आश्विन शुक्ल प्रतिपदादेखि सुरु भएको दशैं पूर्णिमासम्म परम्पराअनुसार दुर्गा भवानीको पूजा आराधना गरी हर्षोल्लासका साथ मनाउने गरिन्छ ।
आज पनि काठमाडौं उपत्यकाका नौं वटा शक्तिपीठमा पूजा भइरहेका छन् । राजधानीका तलेजु भवानी, गृहेश्वरी, दक्षिणकाली, कालिकास्थान, मैतीदेवी, इन्द्रायणी, विजेश्वरी, शोभाभगवती, नक्साल भगवती र भद्रकालीमा दर्शनार्थीहरूको विहानैदेखि भिड लागेको छ ।
यसैगरी राजधानी बाहिरका दाङको अम्बीकेश्वरी, सप्तरीको छिन्नमस्ता, धरानको दन्तकाली, पोखराको विन्धवासिनी, डोटीको शैलेश्वरी, बाग्लुङको कालिका, गोरखाको गोरखकाली, मकवानपुरको चुरियामाई र भुटनदेवीलगायतका मन्दिर र शक्तिपीठहरूमा पनि पूजाआजा भइरहेको छ ।
»बाँकी समाचार रिडमोर मा छ »
0 टिप्पणियाँ:
एक टिप्पणी भेजें