दवाव कार्यक्रम गर्न काग्रेसको तयारी
कपिल ज्ञवाली ,बुटवल, १२ बैशाख
नेपाली कांग्रेसले तय गरेको शान्ति र संबिधानका लागि दवाव कार्यक्रम सफल बनाउनका लागि बुटवल नगर समितिले प्रभावकारी भूमिका निर्वाह गर्ने बताएको छ । आगामी २३ गते बुटवलमा हुने कार्यक्रम सम्पन्न गर्नका लागि नेपाली कांग्रेस बुटवल नगर समितिले नगरका २ सय ६८ टोल समिति, २२ मतदान केन्द्र तथा १५ वटै वार्ड समितिहरुमा प्रचारात्मक कार्यक्रम गर्ने र नेपाली कांग्रेसका बिभिन्न तह र तप्काका प्रतिनिधिहरुलाई परिचालन गर्ने कांग्रेस बुटवल नगर समितिको आज बुटवलमा भएको बैठकले निर्णय गरेको छ । प्रचारात्मक कार्यक्रमका लागि यहि १२ देखि १७ गतेसम्म बुटवल नगरका बिभिन्न वार्डहरुमा भेला तय गरेको छ । त्यसैगरी १७ गते नै नगर भेलाको समेत आयोजना गरेको छ भने २१ र २२ गते बुटवल नगरमा घरदैलो गर्ने बैठकले निर्णय गरेको नगर सभापति पाण्डेले बताउनु भयो । २३ गते बुटवलको सिद्देश्वरी माविमा हुने कार्यक्रममा नेपाली कांग्रेसका सभापति शुशिल कोईराला, बरिष्ठ नेता सेरबहादुर देउवा, संसदीय दलका नेता रामचन्द्र पौडेल लगायतका नेताहरुले सम्बोधन गर्ने कार्यक्रम रहेको छ । सो कार्यक्रममा नेपाली कांग्रेसले बुटवलमा बिभिन्न झाकी सहितको ¥यालीले नगर परिक्रमा गर्ने छ ।
(((((((((((((((((((((((( »
0 टिप्पणियाँ:
एक टिप्पणी भेजें