२० जिल्ला औंलो रोगबाट अति प्रभावित
कपिल ज्ञवाली ,बुटवल, १२ बैशाख
नेपालका २० जिल्ला औंलो रोगबाट अति प्रभावित रहेको जिल्ला स्वास्थ्य कार्यालय नवलपरासीले जनाएको छ । नेपालका ७५ जिल्ला मध्ये ६५ जिल्ला औलोबाट प्रभावित भएको र ती मध्ये २० जिल्ला अति प्रभावित रहेका छन् । नवलपरासी, रुपन्देही, कपिलवस्तु, चितवन, झापा, इलाम, उदयपुर, धनुषा, महोत्तरी, काभ्रे, बांके, बर्दिया, धनगढी, कैलाली, कञ्चनपुर लगायत २० जिल्ला औलोबाट अति प्रभावित रहेको जिल्ला स्वास्थ्य कार्यालय नवलपरासीका प्रमुख डा. आर एस दीपले जानकारी दिनुभयो ।“औंलो रोग हटाउन बर्षभरी दिन गन्ती शुरु गरौं” भन्ने मुल नाराका साथ जिल्ला स्वास्थ्य कार्यालय नवलपरासीले आज नवलपरासीको परासीमा गरेको पत्रकारसंग अन्तरक्रिया कार्यक्रममा प्रमुख डा. आर एस दीप नेपालका जनसंख्या मध्ये ८३ प्रतिशत जनसंख्या औलोको जोखिममा रहेको जानकारी दिनुभयो । नवलपरासीमा अधिकांश सबै गाविस प्रभावित भएपनि पक्लिहवा, सुनवल, त्रिवेणीसुस्ता, कुडिया, रुपौलिया, नर्सही, बैदौली, दाउन्ने, माकर, सुनवल लगायतका १९ गाविस उच्च जोखिममा रहेको छ । भोली विश्व औंलो रोग दिवस हो औलो रोग दिवस हरेक बर्ष मनाइए पनि दिवसको रुपमा मात्र सिमीत भएकोले अब औलो रोग निवारणका लागि हरेक दिन सबैले पहल गर्नु पर्ने कार्यक्रममा सहभागीहरुले जोड दिएका थिए ।
(((((((((((((((((((((((( »
0 टिप्पणियाँ:
एक टिप्पणी भेजें