बिशाल आमसभालाई सफल बनाउन का“ग्रेस घरदैलो संगै प्रचारात्मक अभियानमा
कपिल ज्ञवाली .बुटवल, बैसाख १३
नेपाली कांगे्रसले आगामी २३ गते बुटवलमा गर्न लागेको बिशाल आम सभालाई सफल बनाउनका लागि नगर समितिले नगरभित्रका बिभिन्न वार्डहरुमा भेला तथा घरदैलो संगै प्रचारात्मक अभियान लाई तिब्र बनाएको छ । शान्ति र संबिधानका लागि देश व्यापी रुपमा थालिएको अभियानलाई सफल बनाउन नेपाली कांग्रेस बुटवल नगर समितिले नगर भित्रका बिभिन्न वार्डहरुमा भेला समेत सम्पन्न गरेको छ । भेला तथा घर दैलोका क्रममा आज बुटवलका वार्ड नं. २, ३ र ४ को संयुक्त रुपमा भेला गरेको छ । वार्ड नं. ३ का सभापति रबिन्द्र गोपाल लाकौलको अध्यक्षतामा भएको भेलामा सहभागिहरुले माओवादीले आफ्ना लडाकुको व्यबस्थापनलाई लम्व्याएर संबिधान निर्माणमा बाधा पु¥याएकाले माओवादी लडाकुको टुङ्गो नलाग्दा सम्म शान्तिको अनुभूति गर्न नसकिने भएकाले माओवादी लडाकुको व्यबस्थापन पछि मात्र संबिधान निर्माण गर्नुपर्नेमा जोड दिएका थिए । २३ गते बुटवलको सिद्देश्वरी माबिमा हुने बिशाल आम सभालाई सम्बोधनका लागि नेपाली कांगे्रसका सभापति शुशिल कोइराला,बरिष्ठ नेता शेर बहादुर देउवा,उपसभापति तथा संसदीय दलका नेता रामचन्द्र पौडेल लगायत केन्द्रिय सदस्यहरु तथा जिल्लास्तरका नेताहरुको उपस्थिती रहने नेपाली कांग्रेसले जनाएको छ । कांग्रेसले शान्ति चाहने सबैलाई आमसभामा उपस्थित हुन पनि आव्हान गरेको छ । भेलामा वार्ड नं. ४ का सभापति ताराबहादुर कुवर, क्षत्र नं. ४ का सभापति हरिबहादुर आचार्य क्षेत्री, बुटवल नगर सभापति खेलराज पाण्डे, जिल्ला सदस्य रामबहादुर कार्की, सचिव प्रजापाल गिरी लगायतले २३ गतेको आम सभा सम्पन्न गर्नका लागि सवै क्षेत्र तथा तह र तप्काबाट सहयोग गर्नुपर्ने बताएका थिए । त्यस्तै सोमबार वार्ड नं. १ मा पनि भेला सम्पन्न भएको छ । वार्ड सभापति पशुपतिनाथ गौतमको सभापतित्वमा भएको कार्यक्रममा नगर सभापति पाण्डे जिल्ला सदस्य रिजन श्रेष्ठ, क्षेत्रीय प्रतिनिधि सुरेश गौतम, रुपकेशरी वज्राचार्य, बिष्णुदेवी श्रेष्ठ लगायले शान्ति र संबिधान नभएसम्म मुलुकको बिकास हुन नसक्ने भएकाले मुलकमा शान्ति र संबिधानका लागि आफूहरु जस्तो कुर्वानी पनि गर्न सक्ने बताएका थिए । भेलाले आम सभा सफलपार्न घरदैलो गर्ने र २३ गते बुटवलको मिडीयाचोकबाट निस्कने ¥याली तथा आम सभामा उल्लेख्य सहभागिता जनाउने निर्णय गरेको छ ।
»
0 टिप्पणियाँ:
एक टिप्पणी भेजें