रकम हिनामिना गर्ने प्रधानाध्यापक कारबाहीमा
परासी, आश्विन १५ - विद्यार्थी संख्या बढि देखाई रकम हिनामिना गर्ने यहाँका एक प्रधानाध्यापकलाई शिक्षा कार्यालयले कार्वाही गरेको छ । जिल्लाको देवबडाचुली माबि डाँडाझेरीका प्रधानध्यापक विष्णु बास्ताकोटीलाई पहिलो पटक शिक्षा कार्यालयले कारबाही गरेको हो ।बिद्यार्थी संख्या ढाँटेर तथ्याँक फारममा दोब्बर बिधार्थी देखाएर चार लाख ५३ हजार रुपैयाँ भ्रष्टाचार गरेको ठहर गर्दै जिल्ला शिक्षा कार्यालय नवलपरासीले छानबिन गरि प्रतिबेदन सार्बजनिक गरेको र सो रकम कार्यालयले कारबाही गरी असुल उपर गर्ने शाखा अधिकृत टिकाराम शर्माले बताए ।
बिद्यार्थी तथ्यांक फारममा दोब्बर बिद्यार्थी देखाएर प्रअ बस्ताकोटीले सो रकम भ्रष्टाचार गरेको शिक्षा कार्यालयले प्रमाणित गरे पछि निजलाई प्रअबाट बर्खास्त गरि थप कारबाही हुने जिल्ला शिक्षा कार्यालयले जनाएको छ ।
प्रअले भ्रष्टाचार गरेको पत्ता लगाए पछि जिल्लामा थप बिद्यालय पनि छानबिनको घेरामा तानिएका छन् भने बिद्यार्थी धैरै देखाएर रकम कुम्ल्याउने माथि कडा कारबाही गरिने कार्यालयले जनाएको छ । शिक्षा अधिकारी गोपालकृण्ण पौडेलले भ्रष्टाचार गर्ने प्रधानध्यापक बस्ताकोटीलाई राजीनामा दिई सहज बाताबरण तयार गर्न आग्रह गरिएको र निजलाई नियमानुसार कारबाही गरिने बताए ।
विद्यालयका प्रधानध्यापक बस्ताकोटीले दुई सय बिधार्थीको बास्तबिक तथ्याकं बंग्याएर ४ सय ६३ बिधार्थीको किर्ते फारम भरेर बुझाई रकम भ्रष्टाचार गरेको प्रतिवेदनले देखाएको छ । केही दिन अगाडी विद्यालय ब्यवस्थापन समितिका अध्यक्ष होमराज रानाभाट र प्रअ वास्ताकोटीको मिलोमतोमा अनियमितता भईरहेको विरोधमा स्थानीय अभिभावकहरुले शिक्षा कार्यालयमा जानकारी गराएका थिए । अध्यक्षको विरुद्ध विरोध र्याली समेत गरेका थिए । जिल्लामा यो बर्ष शिक्षा कार्यालयले ८० करोड बिनियोजन गरेको छ ।
जिल्लमा ३६ हजार भन्दा बढि बिद्यार्थी नक्कली रहेको अनुमान गरिएको छ । यसरी नक्कली विद्यार्थी देखाएर राज्यलाई करोडौ ठगिरहेको पाईएको छ »
0 टिप्पणियाँ:
एक टिप्पणी भेजें