बाबुरामका कुरा हावादारी : नेपाल
रौतहट, आश्विन १५ - पूर्वप्रधानमन्त्री एवं नेकपा एमालेका बरिष्ठ नेता माधवकुमार नेपालले आर्थिक विकासका सवालमा शान्ति र संविधानको महत्वपूर्ण योगदान हुने भएकाले सबैले आफ्नो ठाउँबाट इमान्दारिताका साथ लाग्नुपर्ने धारणा व्यक्त गरेका छन् । एमाले गाउँ इकाइ कमिटी डुमरिया मटिऔनद्वारा आइतबार विहान आयोजित शुभकामना आदान–प्रदान कार्यक्रममा बोल्दै एमालेका बरिष्ठ नेता नेपालले शान्ति र संविधानका लागि सबै एकजुट भएर अघि बढेमात्र सफल हुने पनि बताए ।
नेता नेपाल कनकपुर गाविसमा विजयादशमी तथा छठपर्वको उपलक्ष्यमा आयोजित शुभकामना आदान–प्रदान कार्यक्रममा सहभागी हुँदै ४५ दिन भित्रमा शान्तिप्रक्रिया समाधान गर्छु भन्ने प्रधानमन्त्री बावुराम भट्टराईको अभिव्यक्ति पूर्णतया हावादारी भएको भएको प्रतिकृया दिए ।
पार्टीका कार्यकर्ताहरुलाई शुभकामना दिँदै एमाले नेता नेपालले जनताको काम गर्न र जिल्लामा भए गरेका भ्रष्टाचारका विषयलाई लिएर चनाखो हुन पनि आग्रह गरे ।
यसैगरी नेता नेपालले लक्ष्मिपुर गाविसको वडा नं ५ मा रहेको भईंयावावा मन्दिरको उद्घाटन गरेका थिए ।
उनले दलित उपेक्षित जातिको रुपमा रहेको मुसहर समुदायको सकृयतामा निर्माण गरिएको मन्दिरको उद्घाटन पनि गरे । »
0 टिप्पणियाँ:
एक टिप्पणी भेजें