छुट्टाछुटै सवारी दुर्घटनामा २ जना घाईते
गुल्मी २८ असोज । दँशैसंगै सवारी दुर्घटना बढीरहेको समयमा गुल्मीमा आज भएका छुट्टाछुट्टै सवारी दुर्घटनामा २ जना घाईते भएका छन् । बिहीबार (आज) दिउँसो १२ बजे श्रृङ्गामा बसको ठक्करबाट एक बालक घाईते भएका छन् । काठमाण्डौबाट गुल्मीको सदरमुकाम तम्घासतर्फ आईरहेको ना ३ ख ७३९८ नम्बरको बसले दिगाम २ देउरालीमा हर्दिनेटा ५ कपिल पन्तको छोरा बर्ष ६ काृे आयुस पन्तलाई ठक्कर दिँदा बालक घाईते भएका छन् ।
टाउकोमा चोट लागेका पन्तलाई उपचारको लागी पाल्पा मिसन अस्पत्ताल पठाईएको श्रृङ्गा प्रहरीचौकीले जनाएको छ । बाटोकाट्दै गरेका पन्तलाई बसको ब्रेक नलागेको कारण ठक्कर दिएको र यात्रुहरुको चापको कारण गाडी प्रहरीको निगरानीमा तम्घास ल्याईएको प्रंहरीले जनाएको छ ।
यता सदरमुकाम तम्घासमको देउरालीमा बस र मोटरसाईकल एक आपसमा जुध्दा मोटरसाईकल चालक घाईते भएका छन् । तम्घासबाट बुटलतर्फ जाँदै गरेको लु १ ख ६७३८ नम्बरको बसले दिउँसो २ बजेतिर लु ६ प ४६३६ नम्बरको मोटरसाईकललाई ठक्कर दिँदा मोटरसाईकल चालक तम्घासका २२ वर्षिय किरण राजभण्डारी घाईते भएको जिल्ला प्रहरी कार्यालय गुल्मीले जनाएको छ ।
घाईते राजभण्डारीको टाउको र हातमा गम्भिर चोट लागेकोले पाल्पा मिसन अस्पत्ताल पठाईएको प्रहरीले जनाएको छ । घुम्टिी मोड्ने क्रममा ति दुई सवारी साधन ठोक्कीएको र बस तथा बस चालक प्रहरीको नियन्त्राणमा रहेको प्रहरीले जनाएको छ ।
0 टिप्पणियाँ:
एक टिप्पणी भेजें