हत्या अभियोगमा पक्राउ
गुल्मी कार्तिक २९ -
श्रीमतीलाई हत्या गरेको आशङ्कामा प्रहरीले एकजनालाई हिरासतमा लिएको छ ।
गत कात्तिक २३ गते लडेर मृत्यु भएको भनिएकी गुल्मी बडागाउँ-१ दोभान निवासी ३१ वर्षीय हरिकला राना कुमाललाई कुटेर हत्या गरेको आशङ्कामा उनका श्रीमान गोकुल भन्ने गगन कुमाललाई प्रहरीले नियन्त्रणमा लिएको हो ।
कात्तिक २३ गते बिहान एक छिमेकीको घरको आँगनमा मृत अवस्थामा फेला परेकी रानाको लडेर मृत्यु नभई हत्या भएको भन्दै माइतीपक्षले जाहेरी दिएपछि कुमाललाई प्रहरीले हिरासतमा लिएको जिल्ला प्रहरी कार्यालयले जनाएको छ ।
श्रीमती हरिकला घरनजिकैको ढिलबाट लडेर मृत्यु भएको बताएपछि उनलाई सोही दिन बिहान स्थानीयवासीले सनाखत गर्न लागेका थिए ।
तर उनका माइतीपक्षले शव खोलेर हेर्दा मुहार र टाउकोमा निलडाम र चोटैचोट देखेपछि श्रीमानले कुटेर हत्या गरेको हुनसक्ने आशङ्कामा प्रहरीलाई शव पोष्टमार्टमका लागि जाहेरी दिएका थिए ।
सोहीअनुरुप जिल्ला प्रहरी कार्यालय गुल्मीबाट खटिएको टोलीले शव पोष्टमार्टम गराई श्रीमान गोकुललाई पक्राउ गरी बुधबार जिल्ला अदालत गुल्मीमा पेस गराएको थियो ।
जिल्ला अदालत गुल्मीले थप तीनदिन म्याद थपी प्रहरी हिरासतमा राख्न आदेश दिएको छ । »बाँकी समाचार रिडमोर मा छ »
0 टिप्पणियाँ:
एक टिप्पणी भेजें