काम चलाउ सरकारद्वारा पाँच सचिवको सरुवा
काठमाडौ, माघ ३ - कामचलाउ सरकारले पाँच जना सचिवको सरुवा गरेको छ । नयाँ सरकार चयनको दोस्रो प्रकृया सुरु भइसकेको बेला सोमबार मन्त्रिपरिषद्को बैठकले सचिवहरुको सरुवा गरेको हो ।
निर्णय अनुसार शिविर व्यवस्थापनका सचिव शितल बाबु रेग्मीलाई उर्जा मन्त्रालयमा, काठमाडौं महानगरपालिकाका आनन्द पोखरेललाई मध्यपश्चिमको क्षेत्रीय प्रशासन कार्यालयमा, भूमि सुधारका छविराज पन्तलाई सुदूरपश्चिमको क्षेत्रीय प्रशासकमा र लोक सेवा आयोगका केशव भट्टराइलाई भूमि सुधार मन्त्रालयमा सरुवा गरिएको छ ।
सचविको सरुवासँगै शिविर व्यवस्थापन र महानगरपालिकामा सचिवको दरबन्दी खरेज गरिएको छ । ति स्थानहरुमा सहसचिव प्रमुख हुने छन् । यसअघि सचिवको भागबण्डा मिलाउनका लागि सहसचिव प्रमुख रहने महानगरपालिकामा पनि सचिवको दरबन्दी सृजना गरिएको थियो ।
अब योजना आयोग, लोकसेवा अयोग, पूर्वाञ्चल क्षेत्रीय प्रशासन र पश्चिमाञ्चल क्षेत्रीय प्रशासन कार्यालयमा सचिव खाली रहेको छ ।
»बाँकी समाचार रिडमोर मा छ »
0 टिप्पणियाँ:
एक टिप्पणी भेजें