खाजाको लागि साढे चार करोड
१७ फागुन, दाङ । सरकारले दाङ जिल्लामा विद्यालय खाजा कार्यक्रमका लागि करिब साढे चार करोडको बजेट बिनियोजन गरेको छ । प्राथमिक तहका विद्यार्थीहरुलाई विद्यालयमा नियमित रुपमा आउने वातावरण बनाउन दाङका १८ हजार बढी बिद्यार्थीहरुका लागि चार करोड ३६ लाख ४४ हजार रुपैयाँ बजेट बिनियोजन गरिएको हो । गत आर्थिक वर्षदेखि सन्चालित खाजा कार्यक्रम जिल्लामा प्रभावकारी भएपछि यस बर्ष पनि निरन्तरता दिइएको हो । गत बर्ष जिल्लामा खाजा कार्यक्रमका लागि ३ करोड १६ लाख २८ हजार दुई सय बजेट विनियोजन गरेको थियो । गत वर्ष ल्याएको बजेटबाट प्रभावकारी नतिजा आएपछि यसवर्ष कार्यालयले थप केहि बजेट विनियोजन गरेको जिल्ला शिक्षा कार्यालय दाङका शाखा अधिकृत ओमप्रकाश न्यौपानेले जानकारी दिनु भयो ।
दाङका पुरन्धारा, धर्ना, फूलबारी, लोहारपानी, स्युजा, काभ्रे, सौडियार, राजपुर, पञ्चकुले, घोराही नगरपालिकालगाएतका विभिन्न बिद्यालयमा खाजा कार्यक्रम सञ्चालन गरिएको छ । सरकारले खाजा कार्यक्रम ल्याएपछि प्रावि तहका विद्यार्थीहरु नियमित विद्यालय जाने गरेको शाखा अधिकृत न्यौपानेले जानकारी दिनुभयो ।
गत वर्ष २३ हजार एक सय ७८ विद्यार्थीलाई खाजा कार्यक्रम सञ्चालन गरिएकोमा यस वर्ष १८ हजार एक सय ८५ विद्यार्थीलाई यो कार्यक्रम सञ्चालन गरिएको छ । विकट तथा पिछडिएका गाविसका विपन्न विद्यार्थीहरुलाई शिक्षाको पहुचमा ल्याउनको लागि स्कुल समयमा प्रतिविद्यार्थी १२ रुपैयाँको दरले खाजा खुवाउने हुदा विद्यार्थी नियमित विद्यालय आएर पढ्ने गरेको पाइएको छ ।
यसैबीच खाजा कार्यक्रम सञ्चालन भएका बिद्यालयहरुले प्रगती प्रतिवेदन नबुझाएको जिल्ला शिक्षा कार्यालय दाङले जनाएको छ । दिवा खाजा कार्यक्रमका लागि पठाइएको रकम के कति मात्रामा खर्च भयो भन्ने बारेमा अधिकांस बिद्यालयले प्रगती विवरण नबुझाएको शाखा अधिकृत ओमप्रकाश न्यौपानेले जानकारी दिनुभयो । »बाँकी समाचार रिडमोर मा छ »
0 टिप्पणियाँ:
एक टिप्पणी भेजें