बम विष्फोटमा घाइतेको मृत्यु
बुटवल , चैत्र १४ -
बुटवलमा आइतबार साँझ भएको बम विष्फोटमा घाइते भएका मध्ये एक जनाको मृत्यु भएको छ । अन्य २२ जनाको उपचार भइरहेको छ । बुटवलमा उपचार हुन नसकेपछि थप उपचारकालागि काठमाडौं लैजादैं गर्दा पहिचान नखुलेका अन्दाजी ३५ वर्षीय एक पुरुषको चितवनमा राति मृत्यु भएको इलाका प्रहरी कार्यालयका डिएसपी दान बहादुर कार्कीले बताए । घटनामा परि गम्भीर घाइते भएका ७ जनाको काठमाडौं र चितनवनमा उपचार भइरहेको प्रहरीले जनाएको छ । अन्य १२ जना घाइतेको भने बुटवलमै उपचार भैरहेको छ । आइतबार साँझ भैरहवाबाट बुटवल आउदै गरेको लु १ ख ३६६६ नम्बरको माइक्रोबसमा बुटवलको मीलनचौकस्थित मीलन चलचित्र अगाडि वम विष्फोट गराइएको थियो । विष्फोट कसले किन गराएको हो भन्ने खुल्न नसकेको प्रहरीले जनाएको छ । बस बुटवल आउनु पुर्व भैरहवा बसपार्कमा पार्किड गरेको बेला कसैले झोला राख्ने नाममा बम राखेको हुनसक्ने प्रहरीले आशंका गरेको छ । बम विष्फोटपछि बुटवलवासी आतंकीत भएकाछन् । बुटवल र आसपासका क्षेत्रमा व्यापक प्रहरी परिचालन गरिएको छ । »बाँकी समाचार रिडमोर मा छ »
0 टिप्पणियाँ:
एक टिप्पणी भेजें