जाडोले एकको मृत्यु
दार्चुला, फागुन १७ ,केही दिनदेखि लगातार हिमपात भएपछि दार्चुलामा जाडोले एकको मृत्यु भएको छ। कठ्यांग्रिँदो जाडोका कारण जिल्लाको खण्डेश्वरी–९ मझगाउँमा शनिबार राति वीरसिंह रोक्कामगरको मृत्यु भएको जिल्ला प्रहरी कार्यालय दार्चुलाले जनाएको छ। रुकुमको तपसेरा–८ घर भएका रोक्कामगर ७/८ वर्षयता खण्डेश्वरीमा काठको काम गर्दै आएका थिए। शनिबार काठको काम गरी जंगलबाट फर्किने क्रममा उनी हिमपातमा परेका हुन्।
जंगल छेउमा टहरा बनाएर परिवार सहित बस्दै आएका रोक्कामगरको शव आइतबार स्थानीयले फेला पारेका थिए। उनको शव खण्डेश्वरी प्रहरी चौकीबाट १६ किलोमिटर दक्षिणमा हिउँले पुरिएको अवस्थामा भेट्टिएको प्रहरीले जनाएको छ।
प्रहरी नायव उपरीक्षक टेकबहादुर गुरुङले शव जिल्ला अस्पताल ल्याउन तीन लाग्ने बताए।
केही दिनयता जिल्लाको ब्याँस, राप्ला, सुनसेरा, खण्डेश्वरी, घुसा लगायत गाविसमा बाक्लो हिमपात परेको छ। हिमपातले जनजिवन प्रभावित वनेको छ।
»बाँकी समाचार रिडमोर मा छ »
0 टिप्पणियाँ:
एक टिप्पणी भेजें