प्राथमिक उपचार तालिम शुरु
कपिल ज्ञवाली,बुटवल बैशाख ७
पश्चिम पाल्पाको भुवनपोखरीमा ४ दिने आधारभुत प्राथमिक उपचार तालीम शुरु भएको छ । सामान्य उपचार पद्धतिको अभावमा पनि मानिसको अकालमा ज्यान जाने अबस्था रहेकोले गाउंघरमै पनि प्राथमिक उपचार बाट मानिसको ज्यान बचाउन सकियोस भन्ने उद्देश्यले तालीम संचालन गरिएको हो । नेपाल रेडक्रस सोसाईटी तानसेन पाल्पाको आयोजना र भुवनपोखरी प्रकोप न्युनिकरणको समन्वयनमा तालीम शुरु गरिएको हो । तालीममा रक्तश्राव, कृत्रिम स्वाशप्रश्वास, हातखुट्टा भाचिएको, आगोले पोलेको, नाथ्रो फुटेको, वेहोस हुने, लगायतका सामान्य उपचार पद्धतिको वारेमा प्रशिक्षण दिईएको छ । तालिमका सहभागीहरुलाई स्थानिय श्रोत साधन परिचालन गरी स्टेचर बनाउन पनि तालीम दिईएकोे छ । तालीममा रैनादेवि उच्च मावि र भुवनपोखरी गाउं विकास समितीका गरी २४ जनाको सहभागिता रहेको छ । रेडक्रस पाल्पाले बिगत १ बर्ष देखी भुवनपोखरी गाविसमा प्रकोप जोखिम न्युनिकरण कार्यक्रम संचालन गर्दै आएको छ । प्राथमिक उपचार तालीम ९ गते सम्म चल्ने छ । »
0 टिप्पणियाँ:
एक टिप्पणी भेजें